سألوني باستحياء شديد
* عن رابطه كانت هي الامل
وعن النشاط بس
ليه وقف ؟
جاوبت أبنائي الشباب * بكل صراحه وكل وضوح
الرابطه
ماتت للأسف !!
الرابطه كتلتها
لجنتها *
ولاحد للدمعات زرف
كتلوها بالموت
البطئ *
وكل الامل راح اتنسف
خلوها راقده
ممدده *
وبهدوء شديد قفلو الملف
اعضاها فاتو
اتشتتو *
وخيطها البلمهم اتنتف
والكان مؤيد فكرتها *
وفي القاعه قام كبر هتف
جمد نشاطه بلا
سبب *
وبالراحه عنها انصرف
انا ما بلوم نائب
الرئيس *
والحال كده رايه اختلف
كتب استقاله
مسببه *
وطوالي في بيته اعتكف
واصبحنا نحن
مكنكشين * مابين نسلمها للخلف
لا لائحه لا دستور
نفع *
ما كلّو عطلناه و وقف
لو كنّا نظمنا
اجتماع *
وللقاعده قدمنا الملف
كان فينا جددوا
للثقه *
والا الذهاب كان بي شرف
بصراحه يمكن من
سنين *
حتي الكلام عنها وقف
لا لجنه لا راي لا
اجتماع * واللّقيا بينا بقت صُدف
حاجات كتيره
معلّقه *
مين البحلها ما اتعرف ؟
حيرني صمت الناس
كمان *
ياريت لو سٍرّه انكشف ؟
واقع بصدق انا
بنقله *
لازدت فيه ولاحذف (ت)
وما بعفي نفسي من
الملام *
ما اصلي في الموضوع طرف
ورغم الحصل بي
نفتخر *
ما نحن كان لينا الشرف
قدناها فتره
مقدره *
خط سيرنا لا مال لا انحرف
لكن تحركو يا
شباب * بي شوق وفرحه وبي لهف
سيبوا كلام
(الفسبكه) * همس الصوالين والغرف
خلوها لملمه
القري *
خارجونا من ده المنعطف
مدوا الايادي
تعاهدوا * ما نسمع الراي اختلــف
ابنوا الجويل بفهم
جديد *
وتبقوا البناء واقفين له صف
وتبقي الجويل دائما
منار *
وتبقي الجويل غايه وهدف
ليست هناك تعليقات:
إرسال تعليق